الاعاقة

الاعاقة ماهياش سبب انك تشحت ف الشوارع ولا انك تقعد من غير شُغل
الاعاقة هى امتحان من ربنا..امتحان ليك و لكُل اللى حواليك
امتحان ربنا بشوفًك هتشتغل ولا لأ؟ و الناس هتتعامل معاك ازاى؟ هل تسيبك لأنك مش زيهم؟ ولا هيتعملوا معاك كأنك واحد زيهم و متختلفش عنهم اى حاجة؟
اعاقتك ممكن تبقى سبب سعادة لناس تانية..تخيل معايا انك بتعرف تعزف أو صوتك حلو او خطك جميل
لية تحٌط نفسك ف زاوية انك وحش..مُختلف للاسوء..تكاد تكون سئ بكدة هتحرم نفسك و هتحرم غيرك من فنك و ابداعك
اعاقتك امتحان..مش أنتقام

أستمتع..

فى حاجات كتير لازم نستمتع بيها قبل ما تروح..قبل ما تنتهي..اعتبر ان ليها وقت و هتنتهي فيه.
أستمتع بوقتك مع أهلك..مع صُحابك..مع ولادك..مع أخواتك يا عالم مين اللى هيفارق الحياة قبل التانى
أستمتع بحياتك..ألعب أركب مراجيح روح معسكرات انزل مظاهرات كُل أشرب تعالى روح العب مع صحابك مع اخواتك
 أعمل كُل اللى انت عايز تعمله
اعمل كُل اللى انت عايزه بدل ما تندم ف يوم على حاجة ماعملتهاش زمان.

الكلمة الحلوة

الكلمة الحلوة..الكلمة دى أجمل بكتير من البسمة..من الضحكة..من حاجات كتير.
الكلمة الحلوة بتفرق مع ناس فقدوا الأمل..فقدوا الحب..الناس اللي بيحبوهم..فاقدين الأمان.
الكلمة الحلوة بتطمن..بتطمن من الزمن..من الناس..من اللي بيحصل.
الكلمة الحلوة بتدى أمل ف بُكرة..ف اللى جااى..ف كُل شئ قريب.
تخيل أنك بكُل كلمة حلوة من قلبك بتسعد بنى أدم..
يــــــــــــــــــــــــــــاااه لو نبطل ننكد على بعض.

اعـتـذار

بأسم كل مسلم مصرى
نعتزر لجميع اخواتنا عن كل ما تفعله هذة الجماعة بطريقة أو بأخري فهى لا تمثل لا الاسلام ولا الشعب ولا الحرية ولا الثورة
ف الدين أكبر من ان يُمثل بجماعة
الشعب غضب على الجماعة و هو أكبر دليل على عدم تمثله لها
الحرية لا تُمثل بجماعة تسير على السمع و الطاعة
و الثورة أنقلبت على من مثل على الشعب حتى يستحوذ على الكرسى حتى مئات السنين
فــعفواً..ف الاسلام ليس فى خانة الديانة ف البطاقة أو جواز السفر
بل بالافعال..بالاقوال..بالتفكير
                                                          

الست..

الست..الست نص الدنيا..نص المجتمع..اي كلام يتقال مايوفيهاش حقها!

الست يعنى أمك أختك خالتك مراتك صاحبتك خطيبتك أو جدتك 

طب لية تتحرش بيها؟ لية تأذيها؟ لية تغلس عليها و هى ماشية؟ لية تسمعها كلمة و هى ماشية ف أمان الله؟

طبعاً أسهل اجابة "ما اية اللى هى لبسااه؟" ما هو أحنا لو بررنا ان كل واحد بيتحرش بوحدة عشان لبسها مُفلت للنظر يبقى نحلل للحرامى سرقته عشان الفلوس أغرته أو واحد قتل التانى أصله أتغااز منه!!

ماهو لو حصل ف أختك و العنصر الحريمي اللى ف حياتك..هتتقلب أسد و تقف ف صفها!

اعتبرها قريبتك أو من الاخر شقلب الموضوع و شوف اية هيكون موقفك..دة بعيداً عن السيئات اللى بتاخُدها يعنى..فكر كدة طيب لو أختك رجعت البيت معيطة عشان واحد قال لها كلمة ماينفعش تتقال لبنت..مُتخيل موقفك؟ مُتخيل رد فعلك؟ 

أكيد مش من الكلمتين اللى قاريتهم دلوقتى هتتغير و تتقلب شيخ! بس يمكن يكون قلبك حن شوية؟

يلا المهم ان القضية وصلت؟ 

قول ع النظــام..

كراسة مرمية مليها الدم
و أب فوقيه 100هم و هم
و حكومة بتقفل كام فم و فم
أحشد من هنا يابنى و لم
وقول علينا هنلم الشمل
هنجيب حق اللى راح يا بلد
بس تقول للمرشد مدد
مدد يا شيخنا يا طاهر مدد
هنجيب شوية يتقال عليهم عدد
قول ع النظام واخد عهد
كام طفل مات ف حضانة
و انا بموت يا ناس جعاانة
و دى م البرد هتموت سقاعنة
قول ع النظام..
قول ع النظام دمااغه فلتاانة
معلش يا شهيد أنا أســف
مشيت ورااه و انا مش شايف
كملت لقيتنى انا الـوااقف
حقك هيرجع و دة مش هزااار
حقك هيرجع و دة هو القرااار
لو جاش حقه اعرف انك فتحت النار

ولا مرسى والعريان..

لا المرشد ولا شاطر
ولا مرسى و العريان
ما هى لو مصر ف خااطر
كان سبها كدة من زماان
من قبل ماكنا نتحااصر
و نتحصر على اياام زمان
ايام ما كنا نتشاطر
كل لقمة مع الجعان
لا البلتاجى و لا البرنس
ولا مرسى ولا العريان
و انت عامل فيها النمس
وسايب فيها الشعب جعاان.

الـفـقـر

جميل..جميل ذلك الفقير الذى رغم القهر و الظُلم و الضلال و الجهل و العشوائية يتم رسم البسمة على شَفَتَيِه,الشفتان اللتان يسبحون بحمد الله كُلَمَا حققوا شئ بسيط من أحلامهم من الطعام أو الشراب.
و كم من مرة مررت فيها ف الطريق و رأيت تلك الوجوه الملائكية تعبث فى القمامة..حتى تجد ما تحمد الله عليه.
لم يُخلق المرء فقيراً حتى يشحذ من الأخرين..بل خُلق حتى يُمتحن..ليس هو فقط بل ستُمتحن البشرية كاملة,كيف تُعامله؟ هل تعطف عليه؟ هل تتجنبه؟ هل تشعر بالذنب حينما تراه؟ أم تُغمض عيناك حتى تمر بجانبه؟ ام تدعو له أو تعطيه قليلاً من مالك؟
"ولما الفقر يكون مصيره
ولما يكون اتشال ضميره
لما نجاحه يكون فشله
 نحط الكُره مكان قلبه
لما الأكل يكون أمَلُه"

علامة نصر

علامة نصر يإيد مظلوم
علامة نصر بإيد فاجر
تفكر مين فيهم مجنون
و مين فيهم هو العاقل
و مين جوااه سنين الكبت
ومين معااه رصيد الفتك
مين داخل جنة ومين مصيره النار
و مين يتقال عليه الشيخ او من كفار
علامة نصر مكشوفة
بقلب جرئ يرفعها
و كمان لفوق يَعليها
و 100 واحد يجمعها
علامة نصر خايفة تقول
انت الظالم و انا المظلوم

أوعى تنسى حلمك..

أوعى تنسى حلمك
  اجرى ورااه
اوعى تسيبه      
 ولا تستنااه
اوعى تنسى حلمك
 حلم الحرية و اللى ورااه
حلم ليك حلم ليا
 حلم كل طفلة شقية
حلم تنسى  
 حلم تفوت
حلم قطر      
 التوت توت
حلم شب مات شهيد
 حلم كل شيخ فقيد
حلم جواا عنين اتنين
 حلم عدى سنين عاايشين
حلم دااسهم
 حلم فاات
حلم دفنهم
 قال اهااااات
حلم رااح حلم جه
 اوله ح اخره ة
حلمنا حلم الحرية
 حلم مصر العربية

اعمل كنترول

تعرف تعمل كنترول على نفسك؟..أنا أصلاً مبعرفش!

بس اكيد مع بعض هنتعلم (:

يعنى مثلاُ هنتكلم ف حاجة تمس البنات شوية

الريجيم.."أنا بضعف قدام اي حتة شوكولاتة"  عاادى

بس فى حاجة اسمها "ارادة" تمنعك او لو مش من اول مرة..

بس مع التدريب هتيجى.. لو قدامك شوكولاتة و تفاحة مثلاُ

قولى لأ انا هااكل التفاحة كلمة "أنا" دى هتديكي PUSH

لقدام تخليكي تعملى اللى انتِ عايزااه.

معلش رغااية D:

نروح بقى للولاد..الولاد بقى ليهم مثالين

الأولانى..الشتيمة:

لما تلاقى نفسك هتغلط ف حد فكر لثواانى قبل ما تنطق

الكلام و قول لنفسك.."أنا هقبل حد يقولها لى؟"

التانية بقى..السجاير:

هى السجارة دى بالنسبة ليك رمز للرجولة؟

على فكرة لو فى بنت مفهماك كدة تبقى غلطاان

أو لو ولد مفهمك كدة متمشيش ورى كلامه!

أكيد الكلام دة مش هيغير كل الناس..بس لو غير ولد 

او بنت أكيد..أكيد حياتهم هتتغير كتير.

لية كل شئ صعب؟

لية كل شئ صعب؟ لية كل شئ مش سهل؟
لية كل حاجة بقيت صعبة؟
لية مش سهل انى اكلم حد و نبقى صحاب؟
لية مش سهل ان 2 يتجوزوا لية لازم آلوفات هنا و هنا و مصاريف كتير؟
لية مش سهل ان الواحد يعيش سعيد؟
لية مش سهل اننا نخاف على بعض زى الأول؟ بقى لازم اكون ليا مصلحة عشان اخاف عليك
لية مش سهل اننا نعزم ناس و نروح و نيجي عادى؟ بقى لازم مواعيد و تتلغلا 6000 مرة
لية مش سهل اننا نتامل مع بعض كأننا أطفال؟ بقى لازم نحسس بعض بقد اية احنا غُلاسة
لية مش سهل نضحك و نهزر؟لازم كله يتقلب بخناق
لية مش سهل ان الواحد يلاقي شغل و يتعين؟ لازم يلف على رجله و يا عالم هيلاقي ولا لأ
لية مش سهل انها تلاقى عريس؟ لازم تخلل جنب الحاجة شوية
لية مش سهل انه يجيب فلوس عشان يتجوزها؟ لازم يشتغل ف الخليج 10 سنين
لية مش سهل انى اشتغل الحاجة اللى بحبها؟ لازم تطلع عينى
لية مش سهل انى اعمل اللى بستمتع بعماله؟ لازم الاقى اللى يحبطنى
لية مش سهل انى استمتع بوقتى و لازم يتعكنن عليا؟
لية مش سهل انك تتكلم مع الناس و تتناقشوا و متزعلوش من بعض؟ لازم ف نهايو الحوار..شتيمة و خناق و ردح
لية مش سهل تقبل اللى قدامك؟ لازم تطلع فيه القطط الفطسانة
لية مش سهل انك تقول الحق اللى على لسانك؟ لازم تحور؟
لية مش سهل انك تقول اللى انت بتحس بيه؟
لية مش سهل انك تتفهم؟ لازم تشرح نفسك

أنـا هـهـتـم...

أنا مش ههتم..تيرارا انا مش ههتم
مين فيهم هيقول تصريح 
مين فينا هيموت سطيح

أنا مش ههتم..لالالا انا مش ههتم

مين فيهم هيروح امريكا 

مين فينا يلعب مزيكا

أنا مش ههتم..تيرارا انا مش ههتم

مين فينا هيموت شهيد

مين يضحك و يقول دة عنيد

أنا مش ههتم..أهـ انا مش ههتم

مين عاصر على نفسه لمونه

مين يسمع و يقول مجنونة

أنا مش ههتم..تيرارا انا مش ههتم

مين يلعب و يقول دى عبيطة

مين يشتم و يقول دى عنيدة

أنا مش ههتم..ايوة انا مش ههتم

حارة مزنوقة كلام عبيط

يتزنق..يقول تخبيط

أنا مش ههتم..تيرارا انا مش ههتم

واحد يطلع..و يسبل

و التانى يطلع و يهبل

أنا مش ههتم..لالالا انا مش ههتم

مين يطلع امور و يفكر

او غبى و دمه يعكر

أنا مش ههتم..تيرارا انا مش ههتم

ع الشمال هنا مليونيرات

ع اليمين فقرا أُولوفات

وأنا مش ههتم..ايون انا مش ههتم

و عننننننننننننندك..

و عندك هنا كام مليون

لمصابى حادث البلون

أنا مش ههتم..تيرارا انا مش ههتم

قااااااااااااااالك..

قالك هنا انتخابات

يا عم خُد منه و هات

أنا مش ههتم..أهـ انا مش ههتم

هنا اخوان على سلفيين

هنا ثورة و معها حامدين

أنا مش ههتم..تيرارا انا مش ههتم

مين يهتف بأسم الدين

ع الأخوان و السلفيين

أنا مش ههتم..لألألأ انا مش ههتم

 100عريس كدة هنا و هناك

يتخنقوا و يقولوا اشتباكات

أنا مش ههتم..تيرارا انا مش ههتم

خالىها كدة  تضرب تقلب

على ناسها ممكن تتشقلب

أنا مش ههتم..تؤتؤتؤ انا مش ههتم
من افكارى ممكن تفهمنى
تحبى او لو تكرهنى

أنا مش ههتم..تيرارا انا مش ههتم

أنااااااا أندهشت..

و فى خرابى انا كدة عششت

أنا مش ههتم..هاهاها انا مش ههتم

هو اية ف حياتى اهم

من التويتات و م الBBM

أنا مش ههتم..تيرارا انا مش ههتم

بقول لكوا اية

ليكوا نبى! ما  تصلوا عليه؟

 ما خلاااااااااص  ههتم

ايــــــوة انا كدة ههتـــــم